Արարատ Մոր և Մանկան առողջարան

Ջերմուկի Արարատ առողջարանը նրանց համար է, ովքեր որոշել են համատեղել հանգիստն ու բուժումը:
Արդյունավետ բուժում, հարմարավետ հանգիստ ու բովանդակալից ժամանց. հակիրճ այսպես կարելի է բնութագրել «Արարատ» առողջարանի գործունեության ուղղությունները:


Հայտնի է, որ բուժումը Ջերմուկի առողջարաններում հասանելի է և արդյունավետ:
Հասանելի է, քանի որ գները Հայաստանում առողջարանային բուժման համար ավելի ցածր են, քան արտասահմանում:
Արդյունավետ է, քանի որ առողջարաններում բուժումը, բացի սովորական բուժման մեթոդներից, ենթադրում է նաև բնական բուժական գործոնների օգտագործումը, ինչպես օրինակ՝ հանքային ջուրը և բարենպաստ կլիման: Եվ վերջապես` առողջարանային քաղաք Ջերմուկում գտնվելը թույլ է տալիս փոխել ամենօրյա կենցաղային պայմանները կամ դուրս գալ հիվանդանոցային պայմաններից, ինչը հանդիսանում է հոգեբանական կարևոր գործոն առողջական վիճակի բարելավման համար:
Արարատ առողջարանը լավագույն կենտրոններից մեկն է, որտեղ գործում են առաջնակարգ հանքային ջրաբուժական, ֆիզիոթերապիայի, պարաֆինոթերապիայի, ինհալացիայի, մերսման և այլ կաբինետներ:


Ջերմուկի «Արարատ» առողջարանում բուժման գործընթացի երեք հիմնական բնութագրիչներն են՝
1. հանքային ջրի հիմքի վրա բուժական ավանդական մեթոդների կիրառում.
2. ժամանակակից մեթոդներ ու սարքավորումներ.
3. արհեստավարժ անձնակազմ:


Առողջարանը սոսկ բուժական ու հանգստի հաստատություն չէ, այլ` կենսակերպ: Եվ հետևաբար, բուժումն ու բուժման մեթոդներն էլ այստեղ կտրուկ տարբերվում են հիվանդանոցայինից: