Տիգրան Մեծ Հյուրանոց

Երևանի կենտրոնում գտնվող Տիգրան Մեծ հյուրանոցը Հանրապետության Հրապարակից ընդամենը 290 մետր հեռավորության վրա է: Այստեղից հնարավոր է մի քանի րոպեում հասնել Երևանի տեսարժան վայրեր՝ թանգարաններ, սրճարաններ, պատկերասրահներ:

Մեր հյուրերին առաջարկում ենք նորովի կահավորված համարներ, առավելագույն հարմարավետություն:

Հյուրանոցում 24 ժամ անընդմեջ ապահովվում է սպասարկման, մաքրություն, անվտանգության ծառայություններ:
Նկուղային հարկում գործում է պանդոկ և ճաշարան, որտեղ համեղ ուտեստներից բացի ներկայացված է նաև ակլոհոլային խմիչքի հավաքածու՝ ավելի քան 6000 շշից բաղկացած: Հավաքածուի սեփականատերն է Եվրոպայի բռնցքամարտի չեմպիոն Սամսոն Խաչատրյանը:
Յուրաքանչյուր ծառայություն, որն ուղղակիորեն չի տրամադրվում հյուրանոցի կողմից կկազմակերպվի մեր սիրալիր աշխատակիցների օգնությամբ:

Այսպիսով, ողջունում ենք ձեզ Տիգրան Մեծ հյուրանոցում, որի հյուրընկալ և հարմարավետ սենյակներում դուք կարող եք վայելել հանգիստը կամ աշխատակցային այցը, ըմբոշխնել համեղ կերակուր: Այս ամենից բացի, մեր հյուրանոցում դուք կծանոթանաք Հայաստանի պատության ամենալուսավոր և պանծալի էջին՝ հզորագույն արքա Տիգրան Մեծի (95-55թթ մ.թ.ա.) ժամանակաշրջանին, ում անունը կրում է հյուրանոցային համալիրը: