Մոսկվայի Տուն Հյուրանոց

Արժեքները պարբերաբար փոփոխվում են
Սենյակ ամրագրելու և արժեքներին ծանոթանալու համար Խնդրում ենք զանգահարել կամ գրել մեր էլեկտրոնային հասցեին [email protected]

Երևանի Մոսկվայի Տուն-ը Հայաստանի և Ռուսաստանի միջև մշակութային և գործնական համագործակցության մի յուրօրինակ կենտրոն է, որը հաջողությամբ օժանդակում է ՌԴ դեսպանատան գործունեությանը ՀՀ-ում և գտնվում է մայրաքաղաքի սրտում` անմիջապես քաղաքապետարանի դիմաց: Նորակառույց շենքը շատ հարմար դիրք ունի, այն շրջապատված է այգիներով և թատրոններով, գտնվում է գինու գործարանի, ինչպես նաեւ Ֆրանսիայի, Ռուսաստանի և Իտալիայի դեսպանատների հարևանությամբ:
Մոսկվայի Տան դռները միշտ բաց են բոլոր ցանկացողների առջև: Կինոհամերգային դահլիճում անցկացվում են ռուսական դասական երաժշտության համերգներ, կազմակերպվում են կինոդիտումներ, հատկապես ռուս կինոմատոգրաֆիստների հեղինակած ֆիլմերի: Կոնֆերանս դահլիճում կազմակերպվում են ֆորումներ, համաժողովներ: Ցուցասրահում ներկայացվում են հայ և ռուս երիտասարդ և հայտնի նկարիչների աշխատանքների գեղարվեստական և ֆոտոցուցադրություններ:
Մոսկվայի Տան 4-րդ հարկում է գտնվում 9 հարմարավետ սենյակներից բաղկացած հյուրանոցը, որի նրբաճաշակ կահավորված ընդարձակ հյուրանոցային համարները կապահովեն լիարժեք հանգիստ: