Վանատուր Հյուրանոց

Վանատուր հյուրանոցային համալիրը գտնվում է հնամենի և գեղեցիկ Գյումրի քաղաքի սրտում՝ Գորկու 70 հասցեում: Գտնվում է Գյումրու կենտրոնական հրապարակից ոչ շատ հեռու, որտեղ քաղաքի այցելուները կարող են հիանալ հայկական ճարտարապետության նուրբ ոճով կառուցված քաղաքապետարանի շենքի և հրապարակի երկու կողմերում գտնվող Սբ. Յոթ Վերք և Սբ.Ամենափրկիչ եկեղեցիների գեղեցկությամբ և վեհությամբ: 

Հյուրանոցը գտնվում է բավականին հարմարավետ դիրքում․ Գյումրու երկաթուղային կայարանից ընդհամենը 1 կմ հեռավորության վրա, նույնքան էլ Գյումրու ավտոկայանից, իսկ Շիրակ օդանավակայանից ընդամենը 7 կմ հեռավորության վրա: 

Հյուրանոցին կից գտնվում է համանուն ռեստորանը, որտեղ մեր հյուրերը կարող են ճաշակել հայկական և վրացական խոհանոցին պատկանող համեղ ուտեստներ, ինչպես նաև մեր ռեստորանի ֆիրմային սնունդը՝ «Վանատուր» :

Հյուրանոցի մոտակայքում կան նաև սուպերմարկետներ, դեղատուն, հագուստի և կոշիկի խանութներ, ծաղկի սրահ և Բիլայն հեռախոսային կապի սպասարկման կենտրոնը;

Մեր հյուրերը կարող են այցելել հյուրանոցից ոչ այնքան հեռու գտնվող Կումայրի արգելոց, Ձիթողցոնց տուն, Մերկուրովի տուն, Ավ. Իսահակյանի տուն, Հովհաննես Շիրազի տուն Թանգարանները և ծանոթանալ Գյումրի քաղաքի կոլորիտին:

Եվ ամենակարևորը՝ մենք մեր հյուրերին առաջարկում ենք 15 գեղեցիկ և ժամանակակից համարներ, որոնք հագեցված են և հարմարավետ: Հյուրանոցում առկա է նաև անվճար Wi-Fi և ավտոկայանատեղի: