Աժդահակ հյուրատուն

Բարի գալուստ <<Աժդահակ>> հյուրատուն։
Աժդահակ հյուրատունը տեղեկայված է Գեղամա լեռների արևմտյան փեշերին, Կոտայքի մարզի Գեղաշեն գյուղում՝ Երևանից 20 կմ հեռավորության, իսկ ծովի մակարդակից 1650մ բարձրության վրա։ Հյուրատունը բաղկացած է 3 հարկից։ Առաջին հարկում առկա է հյուրասենյակ, ննջանսենյակ, խոհանոց և սանհանգույց։ Երկրորդ հարկում առկա է 5 ննջասենյակ, խոհանոց և սանհանգույց, երրորդ հարկում, որտեղից հրաշալի տեսարան է բացվում մի կողմից դեպի Գեղամա լեռներ, մյուս կողմից՝ Արագած և Հատիս լեռնազանգվածներ, առկա է խաղասենյակ՝ նախատեսված բիլիարդ և սեղանի թենիս խաղալու համար։ Հյուրատունն ունի 3000քմ ընդարձակ այգի՝ պտղատու ծառերով։ Առկա է նաև բանջարանոց, որտեղ աճեցվում են սննդի համար օգտագործվող էկոլոգիապես մաքուր բանջարեղենը և կանաչեղենը։ Առկա է փակ ավտոտնակ՝ 2 ավտոմեքենայի և բացօթյա անվճար ավտոկայանտեղի առնվազն 5 ավտոմեքենայի կայանման համար։Այգում տեղեկայված է նաև ընդարձակ լողավազան 10մ երկարությամբ, 5մ լայնությամբ և 2մ խորությամբ։ Առաջարկում ենք մինչև 15 հոգու համար գիշերակաց նոր վերանորոգված հարմարավետ 5 ննջանսենյակներում ինչպես նաև էկոլոգիապես մաքուր գյուղական մթերքներից պատրաստված նախաճաշ։ Ճաշն ու ընթրիքը ըստ նախորոք պայմանավորվածության։ Դուք կարող եք ներկա գտվել ավանդական թոնրի լավաշի թխման արարողության, այցելեք մեղվանոց և մասնակցեք մեղրաքամի արարողությանը, համտեսել այգու մրգերը և բանջարեղենները, ինչպես նաև տեղական տարատեսակ մրգերից թորված օղին և գինին։ Առաջարկում ենք նաև հյուրերի համար ակտիվ հանգիստ՝ քայլարշավներ, հեծանվա-արշավներ, դահուկ-արշավներ Կոտայքի մարզում, ինչպես նաև այցելություններ տեսարժան վայրեր՝ Պողոս-Պետրոս, Վանքի լիճ, 40 աղբյուր, լեռնագնացություն դեպի Գեղամա լեռների ամենաբարձր գագաթ՝ Աժդահակ լեռ (3599մ), Հատիս լեռ (2529մ), Ակնա լիճ (3030մ)։