Հայաստանի լավագույն հանգստյան գոտիները

Երազո՞ւմ եք արձակուրդների մասին և անհամբեր սպասում եք, թե ե՞րբ է գալու ամառը… Իհարկե, ամառը հանգստի ու ճանապարհորդությունների լավագույն սեզոնն է, սակայն այն շատ արագ է թռչում, իսկ ուրախ ժամանցի, տեսարժան վայրերի բացահայտման, նոր ծանոթությունների և հարազատների ու բարեկամների հետ հանդիպումների ցանկությունը միշտ կա ու կա: Եթե արևոտ ամիսներին չեք հասցրել հանգստանալ, հոգ չէ, քանի որ Հայաստանի լավագույն հանգստյան գոտիներում բոլոր սեզոններին կա ամենը, ինչի մասին երազում էիք:

Հայաստանի հանգստավայրերը գրավիչ առաջարկներ ունեն բոլորի համար: Պասիվ հանգստի սիրահարները կարող են այցելել հինավուրց վանքեր ու տաճարներ, ամրոցներ ու բերդեր, բուժիչ հանքային ջրերի աղբյուրներ, հիանալ լեռների գեղեցկությամբ ու լեռնային մաքուր օդով, վայելել ավանդական կերակրատեսակներ: Ակտիվ հանգստի սիրահարներին տրվում է էքստրեմալ ժամանցի հնարավորություն՝ լեռնադահուկային սպորտ, լեռնագնացություն, ճոպանագնացություն, ձիավարություն, քայլարշավներ, հեծանվարշավներ և այլն:

Եվ այսպես, տեսնենք, թե որոնք են Հայաստանի լավագույն հանգստյան վայրերը:

Արզնի

Արզնի գյուղ - հանգստավայրը Երևանին շատ մոտ է՝ ընդամենը 23 կմ հեռավորության վրա, ծովի մակերևույթից 1250 մ բարձրության վրա, ծվարած Հրազդան գետի կիրճում:

Արզնին տարբերվում է մեղմ կլիմայով: Այսպես, տարվա ամենաշոգ օրը՝ հուլիսի 25-ին, ջերմաստիճանը 17-30 °C է, իսկ հունվարի 23-ին՝ տարվա ամենացուրտ օրը, -10 – 0 °C: Այստեղ մթնոլորտային ճնշումը կայուն է՝ 657մմ սս, առատ են լեռնային օդն ու արևոտ օրերը, ինչի շնորհիվ Արզնիում հանգստանալ կարելի է տարվա բոլոր եղանակներին:

Այստեղի բուժիչ հանքային ջրի մասին հայտնի է դեռ մ.թ.ա. 5-րդ դարից: Արզնու ածխաթթվա-քլորիդային-հիդրոկարբոնատային-նատրիումական ջրի բուժիչ հատկությունների մասին գիտեն ոչ միայն Կովկասյան տարածաշրջանում, այլև նրա սահմանների դուրս: Ածխաթթու գազով հարուստ (1,25-2,0 գ/լ) հանքային ջուրը խմում են, օգտագործում լոգանքների ու տարբեր բուժկանխարգելիչ պրոցեդուրաների համար:

Գորիս

Փոքրիկ գողտրիկ քաղաքը սփռված է Վարարակն գետի երկու կողմերում՝ Հայաստանի Սյունիքի մարզում: Առաջին բնակիչներն այստեղ ապրել են դեռ մ.թ.ա., և երկար ժամանակ բնակվել են քարայրներում: 20-րդ դարից արդեն Գորիսն սկսեց ստանալ առավել քաղաքակիրթ ճարտարապետական դիմագիծ: Զբոսաշրջիկներին այստեղ գրավում են բնական և պատմական տեսարժան վայրերը՝

Հեքիաթային «Քարե ատառը»՝ սրածայր քերծերով ու սյուներով: Առավոտյան ու երեկոյան «ծառերը» բոլորովին տարբեր են թվում՝ կախված արևի ճառագայթների դիրքից:
Խնձորեսկի քարայրները, որ մի հսկայական բնակելի տուն են հիշեցնում: Այստեղ հասնելու համար պետք է անցնել հայտնի ճոճվող կամրջի վրայով:
Սիսավան վանքը, որն ըստ պատերին արված որմնագրի՝ թվագրվում է մ.թ.ա. 7-րդ դար:
Տաթեւի վանքն ու ամենաերկար ճոպանուղին՝ Տաթեւերը:
Բարձրլեռնային Կարագել լիճը, որն առաջացել է հանգածհ հրաբխի խառնարանում: Շրջակայքն ունի հարուստ բուսական ու կենդանական աշխարհ:
Քարահունջը՝ յուրահատուկ համալիրը, բաղկացած 223 քարերից, որն ըստ մասնագետների համարվում է աշխարհի հնագույն աստղադիտարանը:

Ստեփանավան

Ռաֆթինգի սիրահարները հատկապես բարձր կգնահատեն Ստեփավանի մոտակայքում գտնվող Ձորագետը, որն ունի բարդության 6-րդ մակարդակ և առավելագույնս հագեցած է խոչընդոտներով: Հանգստի այս տեսակի համար ամենահարմար սեզոնը մայիսն է, իսկ պասիվ հանգստի սիրահարները կարող են այցելել տեսարժան վայրեր:

Ստեփանավանից 4 կմ հեռավորության վրա է գտնվում Լոռիբերդը՝ 200 մ երկարությամբ միջնադարյան ամրոցը: Մոտակայքում կարելի է տեսնել Ուռուտ գետն ու հինավուրց քարե կամուրջը: Քաղաքից 40 կմ, Ձորագետի աջ ափին, Հնեվանքն է՝ 7-րդ դարի եկեղեցական համալիրը, որ կազմում մտնում է երեք եկեղեցի, գավիթն ու տնտեսական շինություններ: Անպայման պետք է այցելել աշխարհի տարբեր անկյուններից բերված ծառերով ու թփերով հարուստ «Սոճուտ» դենդրոպարկ, որը գտնվում է Ստեփանավանից ընդամենը 10 կմ հեռավորության վրա:

«Կոմունիստական քարանձավները» ջրվեժի մոտ գտնվող գեղատեսիլ վայր է, որտեղ, ըստ լեգենդի, ցարական զորքից թաքնվում էին առաջին կոմունիստները՝ Ստեփան Շահումյանի գլխավորությամբ: Քաղաքի կենտրոնում է գտնվում Ստեփան Շահումյանի տուն-թանգարանը:

Ստեփանավանին մոտիկ, Ամրակից գյուղում է գտնվում Նիկոլայ Հրաշագործ ռուսական եկեղեցին՝ հիմնադրված 1846թ.:

Սեւանա լիճ

Բարձրլեռնային քաղցրահամ Սևանա լիճը Կովկասի խոշորագույն լճերից մեկն է: Լեգենդի համաձայն՝ Սևանի մաքրամաքուր ջուրը կարող էին խմել միայն աստվածներն ու աստղերը: Լճի ծագման մասին նույնպես լեգենդ կա: Ասում են՝ ժամանակին լճի տեղում եղել են պտղատու այգիներ, որոնք ոռոգվում էին աղբյուրի ջրով: Աղբյուրը փոքր էր, բայց ջրի հոսքն ուժեղ էր, այդ իսկ պատճառով աղբյուրի ակը փակված էր մեծ քարով: Մի անգամ մի թեթևամիտ գեղեցկուհի բացում է աղբյուրի ակը, լցնում սափորն ու մոռանում քարով փակել ակունքը: Գիշերը ջուրը դուրս է հոսում աղբյուրից ու վերածվում գետակի: Ջուրն սկսում է ավելի ու ավելի բարձրանալ և վերածվել հեղեղի: Մարդիկ կառչում են ծառերից, իսկ մի ծերունի բղավում է. «Թող մեղավորը քար դառնա»: Աղջիկն իրենց դռան շեմին քարանում է: Ջրերը բարձրանում են ու բարձրանում, գոյանում է ժայռոտ կղզիով լիճ: Այսօր այդ ժայռոտ կղզին հակված է լճի կապույտ մակերևույթին՝ հիշեցնելով անհոգ գեղեցկուհուն: Ժամանակի ընթացքում ջրի մակարդակն զգալիորեն նվազեց, և կղզին վերածվեց թերակղզու: Այստեղ է գտնվում Սևանավանքը՝ հիմնադրված 8-րդ դարում: Սևանա լճի հարավային ափին է գտնվում Մակենիս վանքը, որը վաղ միջնադարում մեծ դեր է ունեցել հայկական գրի տարածման հարցում: Սևանա լճից և Գավառ քաղաքից ոչ հեռու կա թանգարան բաց երկնքի տակ՝ Նորատուս միջնադարյան դամբարանը, որտեղ պահպանված են 13-14-րդ դարերի հարյուրավոր խաչքարեր:

Սևանում հանգստանալիս անպայման արժե համտեսել Սևանի իշխան, որը մատուցվում է բոլոր ռեստորաններում, և իհարկե, խորասուզվեք ջրերի լազուրում, վայելեք արևի ճառագայթները լճի լողափերում:

Հնարավոր է՝ շատերի համար բացահայտում լինի, որ Սևանում կա ճոպանուղի և բարդության տարբեր մակարդակներով լեռնադահուկային ուղիներ:

Ծաղկաձոր

Այս հայտնի հանգստյան գոտին գտնվում է Թեղենիս լեռան ստորոտին, Երևանից 50 կմ հեռավորության վրա դեպի հյուսիս-արևելք: Դեկտեմբերի վերջերից մինչև մարտ Ծաղկաձորում կարող եք վայելել ծովի մակարդակից 1966-2819մ բարձրության վրա գտնվող, 30 կմ ընդհանուր երկարությամբ տարբեր բարդության 15 լեռնադահուկային ուղիները՝ նախատեսված սկսնակների ու փորձառու դահուկորդների համար:

Ծաղկաձորի գլխավոր տեսարժան վայրն է XI դարում կառուցված Կեչառիս վանքը: Ծաղկաձոր քաղաքում է գտնվում նաև Օրբելի եղբայրների տուն-թանգարանը՝ հայրենիքին ու գիտությանը նվիրվածության, բարձր բարոյականության ու խիզախության վառ օրինակ:

Ջերմուկ

Բալնեոլոգիական և կլիմայական հանգստավայր է՝ Երևանից 175 կմ հեռավորության վրա: Ջերմուկի հանքային ջրերի առողջարար հատկությունների վերաբերյալ լեգենդ գոյություն ունի: Շատ վաղ ժամանակներում որսորդն անտառում կրակում է եղնիկի վրա: Վիրավոր եղնիկը արյնաքամ լինելով վազում է: Որսորդը հետապնդում է եղնիկին ու զարմանքից ապշում, երբ տեսնում է, որ վիրավոր կենդանին ցատկեց խոխոջող աղբյուրի մեջ ու վայրկյաններ անց դուրս եկավ առողջ ու առույգ: Ջերմուկի աղբյուրի հրաշագործ ուժի մասին լուրը տարածվում է ամբողջ աշխարհով, իսկ եղնիկը դառնում է քաղաքի խորհրդանշանը:
Ջերմուկում կան բազմաթիվ առողջարաններ, որոնք առաջարկում են հանքային ջրով լոգանքներ ու առողջարար պրոցեդուրաներ, իսկ քաղաքի գլխավոր տեսարժան վայրը հանքային ջրի Ըմպելասրահն է, որտեղ կարելի է խմել տարբեր ջերմաստիճանի (30-57) հանքային ջուր: Առողջարանային քաղաքի տարածքում է գտնվում Ջերմուկի ջրվեժը՝ 70 մ բարձրությամբ: Ջրի բարակ շիթերի տեսքն ստիպել է ջրվեժը կոչել «Ջրահարսի վարսեր»:

Ջերմուկ քաղաքում է գտնվում նաև В городе расположен монастырь –րդ դարի Գնդեվանք եկեղեցին, որի շրջակայքում կան հնագույն խաչքարեր և Սուրբ Աստվածածին եկեղեցու ավերակները:

2007թ. Ջերմուկում սկսեց գործել ճոպանուղին: Շիշ լեռան բարձրությունը 2450մ է, ամբարձիչը բարձրացնում է մինչև 2450մ: Այժմ ճոպանուղին ունի երկու ուղի՝ սկսնակների և պրոֆեսիանալների համար:

Կարդացե՛ք նաև Հայաստանի կուրորտների ու առողջարանների մասին:

Տեղեկություն
Guests խմբում գտնվող այցելուները չեն կարող մեկնաբանություն թողնել տվյալ հյուրանոցի վերաբերյալ: