Էյթի Էյթ Հյուրանոց և Սպա

Eighty Eight Hotel & Spa հյուրանոցային համալիրը գտնվում է Ծաղկաձորում՝ Թեղենիս լեռան բարձրադիր լանջերի վրա։ Ծաղկաձորը Հայաստանի ամենահայտնի լեռնադահուկային և առողջարանային հանգստավայրերից է, որը հայտնի է իր լեռնադահուկային վազքուղիներով և լեռնային մաքուր օդով։ Գեղատեսիլ մարգագետիններով շրջապատված Ծաղկաձորը գտնվում է Թեղենիս լեռան հարավ-արևելյան լանջին՝ Հայաստանի մայրաքաղաքից ընդամենը 50 կմ հեռավորության վրա։
Նրա բնությունը շատ տպավորիչ է իր հարստությամբ և շքեղությամբ: Զարմանալի չէ, որ «Ծաղկաձոր» անունը հայերենից թարգմանվում է որպես «ծաղիկների կիրճ»։ Առանձնահատուկ ուշադրության են արժանի Ծաղկաձորի ճարտարապետական տեսարժան վայրերը,որոնց կարելի է հասնել հյուրանոցից ընդամենը 20 րոպե քայլելով՝ 11-րդ դարում հիմնադրված Կեչառիս միջնադարյան վանական համալիրը և համաշխարհային գիտության ականավոր գիտնականների՝ Օրբելի եղբայրների տուն-թանգարանը։
Նորակառույց գերշքեղ Eighty Eight Deluxe Hotel & Spa հյուրանոցային համալիրը համալրված է բոլոր անհրաժեշտ հարմարություններով և ենթակառուցվածքներով, անգամ ամենաքմահաճ հյուրերի պահանջմունքները ու անմոռանալի հանգիստը կազմակերպելու համար։Հյուրանոցային համալիրն ունի 126 նրբաճաշակ, տարբեր տեսակի և դասի սենյակներ՝ կահավորված յուրահատուկ ոճով:
Յոթ հարկանի շքեղ շինության ներսում գործում են ռեստորաններ, բար, սպորտ բար, հուշանվերների խանութ, բուտիկներ, մարզասրահ, առողջարանային կենտրոն՝ 38 մ երկարությամբ շքեղ լողավազանով, շոգեբաղնիք, համմամ, ժամանակակից սպա կենտրոն՝ տարրատեսակ ծառայություններով (մերսում, բուժման տարբեր սենյակներ), մանկական խաղասենյակ, սեղանի թենիս,բիլիարդ և այլն:
Հյուրանոցն առաջարկում է նաև կոնֆերանս սրահների տարբեր կատեգորիաներ՝ (Silver սրահ, Gold սրահ և Diamond սրահ) բիզնես հանդիպումների, կոնֆերանսների, թրեյնինգների, խնջույքների և տարրատեսակ միջոցառումների համար: Ծաղկաձորը հրաշալի վայր է լեռնադահուկային սպորտի սիրահարների համար։ Eighty Eight Deluxe Hotel & Spa հյուրանոցային համալիրը շատ հարմար դիրք է զբաղեցնում բարձրունքի վրա, որը լեռնադահուկային սպորտի սիրահարներին թույլ է տալիս անմիջապես հյուրանոցից հայտնվել Թեղենիս լեռան լեռնադահուկային լանջերին և վազքուղիներին։ Իսկ Ծաղկաձորի ճոպանուղուն հյուրերը զբոսնելով կարող են հասնել ընդամենը 8 րոպեում։